Saturday, September 29, 2018

చిల్లీ మష్రూమ్‌







కావాల్సిన పదార్థాలు: 

బటన్‌ మష్రూమ్స్‌- 200గ్రా, 
క్యాప్సికమ్‌- రెండు, 
ఉల్లిపాయ- ఒకటి, 
అల్లం- అంగుళం ముక్క, 
వెల్లుల్లి- ఆరు రెబ్బలు, 
నూనె- రెండు టేబుల్‌ స్పూన్లు, 
కారం- టీస్పూను, 
సోయాసాస్‌- రెండు టీస్పూన్లు, 
కార్న్‌ఫ్లోర్‌- టేబుల్‌స్పూన్‌, 
వెనిగర్‌- టీ స్పూన్‌, 
మంచినీళ్లు- కప్పు, 
ఉప్పు-రుచికి సరిపడా.

తయారుచేసే విధానం: 


  • పుట్టగొడుగుల్ని రెండు ముక్కలుగా కోయాలి. 
  • క్యాప్సికమ్‌ లోపలి గింజలు తీసేసి ముక్కలుగా కోయాలి. 
  • ఉల్లిముక్కలు, అల్లం, వెల్లుల్లి కలిపి మెత్తని ముద్దలా రుబ్బాలి. 
  • పాన్‌లో నాలుగు టేబుల్‌స్పూన్ల నూనె వేసి ఉల్లిముద్ద వేసి బాగా వేయించాలి. 
  • తరవాత కారం వేసి, అరకప్పు నీళ్లు పోసి సిమ్‌లో పెట్టి ఉడికించాలి. 
  • ఇప్పుడు క్యాప్సికమ్‌ ముక్కలు, పుట్టగొడుగుల ముక్కలు, ఉప్పు వేసి కలిపి మూతపెట్టి, తక్కువ మంటమీద ముక్కలు ఉడికే వరకూ ఉంచాలి. 
  • తరవాత సోయాసాస్‌, వెనిగర్‌ వేసి కలపాలి. కాసిని నీళ్లల్లో కలిపిన కార్న్‌ఫ్లోర్‌ కూడా వేసి కలిపి సిమ్‌లో ఓ రెండు నిమిషాలు ఉడికించి, దించాలి.

స్వీట్‌ బన్స్‌




కావలసిన పదార్థాలు: 

బంగాళదుంపలు - 5, 
గిలకొట్టిన గుడ్డు - ఒకటి, 
పాలు - ముప్పావు కప్పు, 
పంచదార - టేబుల్‌ స్పూను, 
మైదా - కప్పు, 
చికెన్‌ ఎసెన్స్‌ (సూపర్‌ మార్కెట్లో దొరుకుతుంది) - టేబుల్‌ స్పూను, 
నూనె - 5 టేబుల్‌ స్పూన్లు.

తయారుచేసే విధానం: 


  • బంగాళదుంపల్ని మెత్తగా ఉడికించి తొక్కతీసి చిదిమి పెట్టుకోవాలి. 
  • ఒక పాత్రలో పంచదార, పాలు, గిలకొట్టిన గుడ్డు, చికెన్‌ ఎసెన్స్‌ వేయాలి. 
  • పంచదార కరిగాక మైదా, బంగాళదుంపల గుజ్జుని ఒకదాని తర్వాత ఒకటి వేసి బాగా కలపాలి. 
  • ఈ మిశ్రమాన్ని ఎనిమిది భాగాలుగా విభజించి కచోరీలా చేత్తో వత్తి, పెనంపై నూనె వేసి, రెండువైపులా దోరగా వేయించాలి. 
  • వీటిని టమోటా సాస్‌తో తింటే భలే బాగుంటాయి.