చేపలు కొబ్బరి పాల కూర

కావలసిన పదార్థాలు:

• చేపముక్కలు - అర కేజి
• కొబ్బరిపాలు - అర కప్పు
• టమోటా గుజ్జు - 1 కప్పు
• ఉల్లిపాయలు - 4
• అల్లం తరుగు - 1 టీ స్పూను
•  వెల్లుల్లి తరుగు - 1 టీ స్పూను
•  పచ్చిమిర్చి - 2
• కరివేపాకు - గుప్పెడు
• ఆవాలు - 1 టీ స్పూను
• మెంతులు - 1 టీ స్పూను
• పసుపు - పావు టీ స్పూను
• కారం - 2 టీ స్పూన్లు
• దనియాలపొడి - 1 టీ స్పూను
• నీరు - 1 కప్పు
• ఉప్పు - రుచికి తగినంత
• నూనె - 2 టేబుల్ స్పూన్లు

తయారుచేసే విధానం:

• కడాయిలో ఆవాలు, మెంతులు, అల్లం, వెల్లుల్లి, ఉల్లి, పచ్చిమిర్చి తరుగు, కరివేపాకు (సగం), పసుపు, కారం, దనియాలపొడి ఒకదాని తర్వాత ఒకటి వేగించి, టమోటా గుజ్జు కలపాలి.
• 10 నిమిషాల తర్వాత చేపముక్కలు, నీరు కలిపి ముక్కలు ముప్పావు భాగం ఉడికిన తర్వాత కొబ్బరిపాలు, ఉప్పు వేసి సన్నని మంటపై ఉంచాలి. 
• కూర చిక్కబడ్డాక మిగిలిన కరివేపాకు వేసి మూతపెట్టాలి.