కావాల్సిన పదార్థాలు:
స్వీట్‌ కార్న్‌-1 కప్పు
ఉల్లికాడలు-1/2 కప్పు
కూరగాయలు ఉడికించిన నీళ్ళు- 3 కప్పులు
టమాటా సాస్‌-ఐదు చెంచాలు,
దాల్చిన చెక్క-కొద్దిగా
జీలకర్ర-1 టేబుల్‌ స్పూన్‌
మిరియాలు- 1 టేబుల్‌ స్పూన్‌
ఉల్లిపాయ తరుగు- 1/2 కప్పు
టమాటా -1
పచ్చిమిర్చి -4
ఉప్పు-చిటికెడు
పంచదార -2 టేబుల్‌ స్పూన్లు
తయారుచేసే విధానం:
- ముందుగా ఉల్లిపాయ, టమాటా, పచ్చిమిర్చి ముక్కలు తరిగి మిక్సీలో వేసి ముద్దగా చేయాలి.
- ఒక శుభ్రమైన వస్త్రంలో దాల్చిన చెక్క, జీలకర్ర, మిరియాలు తీసుకొని మూటలా కట్టాలి.
- ఉల్లిపాయ ముద్ద, సుగంధ ద్రవ్యాల మూట, మొక్కజొన్న లను కూరగాయలు ఉడికించిన నీళ్ళలో వేసి పొయ్యి మీద పెట్టాలి.
- కొద్ది సేపటి తర్వాత ఉప్పు ఉల్లికాడలు టమాటా సాస్‌ వేసి బాగా మరిగించాలి. సూప్‌ చిక్కగా అవుతుంది.
- అప్పుడు సుగంధ దినుసుల మూటను తీసేసి సూప్‌ని వేడివేడిగా తీసుకుంటే చాలా రుచిగా వుంటుంది.
కావాల్సిన పదార్థాలు:
పొట్లకాయ ముక్కలు -3 కప్పులు
పెరుగు -1 కప్పు
ఉల్లిపాయ -1
పచ్చిమిర్చి -3
ఉప్పు - తగినంత
పసుపు - చిటికెడు
కరివేపాకు - 5 రెబ్బలు
నూనె - 2 టేబుల్‌ స్పూన్లు
ఎండుమిర్చి ముక్కలు-1 టేబుల్‌ స్పూన్‌
కొత్తిమీర తరుగు -1కప్పు
తయారుచేసే విధానం:
- ముందుగా ఒక మందపాటి గిన్నెలో ఒక స్పూన్‌ నూనె, కొద్దిగా నీరు, కొంచెం ఉప్పు వేసి పొట్లకాయ ముక్కల్ని ఉడకబెట్టాలి.
- ముక్కలు పూర్తిగా ఉడికిన తర్వాత ఒక ప్లేట్‌లోకి తీసి పక్కన పెట్టుకోవాలి.
- ఇప్పుడు ఒక గిన్నెలో పెరుగు, ఉల్లి తరుగు, పచ్చిమిర్చి ముక్కలు, పసుపు, ఉప్పు వేసి బాగా కలుపుకోవాలి.
- పొట్లకాయ ముక్కలు చల్లారాక వాటిని పెరుగు మిశ్రమంలో కలపాలి.
- ఇప్పుడు ఒక ప్యాన్‌లో నూనె వేసి వేడెక్కాక ఎండు మిర్చి, ఆవాలు, కరివేపాకు, జీలకర్ర వేసి పోపు సిద్ధం చేసుకోవాలి.
- కొద్దిగా చల్లారాక పెరుగు పచ్చడి మిశ్రమంలో పోపును కూడా వేసి బాగా కలిపి కొత్తిమీరతో గార్నిష్‌ చేసుకోవాలి.
- పెరుగు పచ్చడి అన్నంతో పాటు తింటే రుచిగా ఉంటుంది
