గుత్తొంకాయ కూర‌

కావల్సినవి : 

• గుత్తి వంకాయలు : 1/2 కేజీ
• ఉల్లిపాయలు : 1/4 కేజీ
• టమోటాలు : 1/4కేజీ
• కారం : సరిపడా
• ధనియాలు పొడి :సరిపడా
• ఆవాలు : 1/2 స్పూను
• ఉప్పు : రుచికి సరిపడా
• పసుపు : చిటికెడు
• కొబ్బరి : 1 కప్పు
• అల్లం : కొద్దిగా
• నూనె : 2 స్పూన్లు
• పచ్చిమిర్చి : 4
• నువ్వులు : 25 గ్రా
• కొత్తిమీర : తగినంత

తయారీ : 

• ముందుగా వంకాయలను శుభ్రంగా కడిగి పెట్టుకోవాలి.
• ఉల్లిపాయలు, టమోటాలు చిన్న చిన్న ముక్కలుగా తరిగి పెట్టుకోవాలి.
• వంకాయలకు అడ్డంగా నిలువుగా గాట్లు పెట్టాలి. 
• ఇప్పుడు నువ్వులు ఒక పాన్‌ లో వేయించుకోవాలి. 
• దోరగా వేగాక వాటిని మిక్సీలో పొడి చేసుకొని పెట్టుకోవాలి.
• ధనియాలు పొడి, కారం, పసుపు, కొబ్బరి, అల్లం, వెల్లుల్లి, ఉల్లి అన్ని గ్రైండ్‌ చేసి వుంచుకోవాలి.
• ఈ మసాలా ముద్దకు ఉప్పు, కొద్దిగా నూనె వేసి కట్‌ చేసి ఉంచిన వంకాయల్లో పెట్టుకొవాలి.
• ఇప్పుడు ఒక మందపాటి గిన్నె తీసుకుని పొయ్యి మీద పెట్టి నూనె పొయ్యాలి.
• నూనె కాగాక పోపు పెట్టి ఉల్లిపాయ, టమోటా ముక్కలు వేసి కలిపి మూత పెట్టి సన్నని సెగ మీద ఉడకనివ్వాలి.
• ఆ ముక్కలు బాగా పేస్టులాగా ఉడకాలి.
• ఇప్పుడు ఆ గిన్నెలో ఒక లీటరు నీరు పోసి వంకాయలు ఉడికి బాగా మగ్గనివ్వాలి, నీళ్ళు సగం అయ్యే దాకా ఉడికించాలి.
• ఇప్పుడు పక్కన పెట్టిన నువ్వుల పొడిని గిన్నెలో వేసి అడుగు అంటకుండా కలియతిప్పి 2 నిమిషాలు ఉంచి కొత్తిమీర చల్లి దించుకోవాలి.