నువ్వుల గుత్తి వంకాయ

కావలసిన పదార్ధాలు: 

• చిన్న వంకాయలు: 1/2కేజి,
• పల్లీలు: 50గ్రాములు
• నువ్వులు: 50గ్రాములు
• ధనియాలు: 2టీ స్పూన్లు
• అల్లం వెల్లుల్లి పేస్టు: 2టీ స్పూన్లు
• కారం: 11/2టీ స్పూన్
• ఉప్పు: రుచికి తగినంత
• ఉల్లిపాయలు: 2
• కొబ్బరి తురుము: 2టీ స్పూన్లు
• చింతపండు: 50గ్రాములు
• పసుపు: 1/4టీ స్పూన్.

• గ్రేవీ కోసం: కొబ్బరి తురుము, పల్లిల పొడి, అల్లం వెల్లులి పేస్టు, చింతపండు, కారం, పసుపు, ఉప్పు, ఉల్లిపాయలు, కలిపి మిక్సిలో వేసి మెత్తటి పేస్ట్ లా తయారుచేసుకోవాలి. 

• పోపు కోసం: ఎండు మిర్చి: 5 ఆవాలు: ఒక టీ స్పూన్ మినపప్పు : ఒక టీ స్పూన్ పచ్చి సెనగ పప్పు : ఒక టీ స్పూన్ నూనె: కావలసినంత. 

తయారు చేయు విధానం

• తొడిమలు తీయకుండా వంకాయలను నాలుగు బాగాలుగా గాట్లు పెట్టి నీళ్ళలో వెయ్యాలి . పల్లీలు, నువ్వులను విడి విడిగా వేయించి పొడి చేసి పెట్టుకోవాలి.
• గాటు పెట్టిన వంకాయలను పల్లి , నువ్వుల పొడితో నింపాలి. 
•  స్టౌ పై పాన్ పెట్టి, పోపు దినుసులు, ఉల్లిపాయలు వేసి కాసేపు వేయించిన తరువాత స్టఫ్ చేసిన వంకాయలు అందులో వేయాలి.
• అయిదు నిమిషాలు బాగా వేగిన తరువాత గ్రేవి కోసం తయారు చేసుకొన్న మసాల పేస్ట్ ను, కొద్దిగా నీరు పోసి ఉడికించాలి బాగా వుడికినట్టు అనిపించాక చింతపండు రసం పోసి మరికొద్దిసేపు ఉడకనివ్వాలి.
• చివరగా కొత్తిమీరతో గార్నిష్ చేసుకోవాలి. చపాతి తో గాని, రైస్ తో గాని సర్వే చేసుకుంటే బాగుంటుంది.